ABŞ Ukraynaya Patriot raket sistemlərinin modernləşdirilməsini təklif edib
ABŞ Müdafiə Nazirliyinin Hərbi Əməkdaşlıq Agentliyi (DSCA) 18 noyabrda ABŞ Konqresinə Ukraynaya Foreign Military Sales (FMS) proqramı çərçivəsində planlaşdırılan satış barədə məlumat göndərib.
Crossmedia.az xarici KİV-ə istinadən xəbər verir ki, satış çərçivəsində əvvəl təhvil verilmiş Patriot zenit-raket komplekslərinin istismarını təmin edən vasitələr, o cümlədən M901 buraxılış qurğularının M903 konfiqurasiyasına modernləşdirilməsi, əlavə avadanlıq, ehtiyat hissələri, texniki dəstək, təlim və digər əlaqəli logistika və dəstək elementləri təqdim olunacaq.
Məlumata görə, təchizatın ümumi gözlənilən dəyəri təxminən 105 milyon ABŞ dolları təşkil edir.
DSCA həmçinin vurğulayıb ki, satış Ukraynanın hava və raket müdafiə imkanlarının gücləndirilməsinə mühüm töhfə verəcək və bölgədə təhlükəsizlik balansının qorunmasına xidmət edəcək.
20:39 20.11.2025
Oxunuş sayı: 1456
