Rusiya nümayəndə heyətinin Suriyaya gizli səfəri barədə məlumat yayılıb
Yüksək səviyyəli Rusiya nümayəndə heyəti misli görünməmiş təhlükəsizlik tədbirləri altında Suriyaya gizli səfər edib.
Crossmedia.az xarici KİV-ə istinadən xəbər verir ki, Suriya İnsan Hüquqları Rəsədxanasının məlumatına görə, nümayəndə heyətini daşıyan Tu-154B-2 tipli təyyarə Xmeymim Hava Bazasına eniş edib.
Məlumata əsasən, eniş zamanı təyyarəni Rusiyanın Su-35 qırıcıları və Ka-52 hücum helikopterləri müşayiət edib. Rusiya rəsmiləri bazada bir neçə saatlıq yoxlama keçirib, mövcud vəziyyətlə bağlı brifinqlər alıb. Səfərin sonunda təyyarə Su-34, Su-35 və Mi-17 helikopterlərinin müşayiəti altında bazanı tərk edib.
Ekspertlər hesab edir ki, bu səfər bölgədəki Rusiya hərbi aktivliyinin artması fonunda Suriyada həyata keçirilən bir sıra elan edilməmiş hərbi hərəkətlərin tərkib hissəsidir. Onların fikrincə, Moskvanın son günlərdəki intensiv fəaliyyəti Suriya ərazisindəki əməliyyatların genişləndirilməsi ilə bağlı ola bilər.
20:25 20.11.2025
Oxunuş sayı: 1048
