Moskva: Kiyev diplomatiyanı sadəcə imitasiya edir
Rusiya Xarici İşlər Nazirliyi Ukraynanın diplomatik səylərini “simulyasiya” adlandırıb.
Federasiya Şurası isə Zelenskinin 19 noyabr Türkiyə səfərini “dərin məzmunu olmayan tüstü pərdəsi” kimi qiymətləndirib.
Crossmedia.az bu barədə İzvestiya nəşrinə istinadən məlumat verir.
Eyni gün ABŞ-ın iki yüksək rütbəli hərbi rəsmisi “faktaraşdırma” missiyası ilə Kiyevə gəlib və onlardan birinin 20 noyabrda Zelenski ilə görüşü planlaşdırılır. Bu arada Axios-un mənbələri Donald Tramp administrasiyasının Rusiya ilə məsləhətləşmələr apararaq münaqişənin bitməsi üçün “gizli yeni plan” hazırladığını bildirir. Noyabrın sonunadək tərəflərin çərçivə razılaşmasına yaxınlaşacağı gözlənilir və ekspertlər “Mindiç işi” korrupsiya qalmaqalının Vaşinqtona Kiyevə təzyiq imkanı verdiyini qeyd edirlər.
19:59 20.11.2025
Oxunuş sayı: 1053
