Şimpanze araşdırması insan müharibələrinin təkamül məntiqini izah edir
Alimlərin 30 illik müşahidələrinə əsasən, şimpanzelər yeni əraziləri ələ keçirdikdən sonra daha da çoxalırlar və balaların ölüm göstəricisi azalır.
Crossmedia.az xarici mediaya istinadən xəbər verir ki, tədqiqatçılar bu nəticəni Uqandadakı Ngogo qrupu üzərində apardıqları müşahidələrdən çıxarıblar.
Məlumata görə, 1998–2008-ci illərdə Ngogo qrupu qonşularının 21 fərdini öldürərək ərazisini 22% genişləndirib. Nəticədə doğum sayı 15-dən 37-yə yüksəlib, balaların ölüm göstəricisi isə 41%-dən 8%-ə düşüb.
Alimlər bildirirlər ki, yeni ərazilər daha çox qida təmin edir və dişilər yaxşı bəslənir, bu isə çoxalma səviyyəsini artırır. Onlar hesab edirlər ki, oxşar mexanizmlər erkən insanlarda da mövcud olub: ərazilərin ələ keçirilməsi məhdud resurs şəraitində real üstünlüklər gətirirdi.
00:27 21.11.2025
Oxunuş sayı: 1164
