Xarici xəbərlər

Ermənistanın Baş naziri Nikol Paşinyan Astanaya səfər edib

Ermənistanın Baş naziri Nikol Paşinyan iki günlük rəsmi səfərlə Astanaya gəlib.

Crossmedia.az xəbər verir ki, bu barədə məlumat erməni mediasında verilib.

Məlumata görə, Paşinyanı Baş nazirin müavini Mher Qriqoryan, Xarici İşlər naziri Ararat Mirzoyan, Ərazi İdarəetmə və İnfrastruktur naziri David Xudatyan və Təhsil, Elm, Mədəniyyət və İdman naziri Janna Andreasyan müşayiət edir.

Ermənistanın Baş naziri Nikol Paşinyanla Qazaxıstan Prezidenti Kasım-Jomart Tokayev arasında görüş 21 noyabrda prezident iqamətgahı olan Akorda Sarayında keçiriləcək.

Qeyd edək ki, səfər zamanı Astana Expo, Alem.Ai Beynəlxalq Süni İntellekt Mərkəzi və Qazaxıstan Milli Muzeyinə səfərlər planlaşdırılır.

Nəzrin Abbas

🖨 Çap et

17:50 20.11.2025

Oxunuş sayı: 1059