Yaponiya: Atom bombası qurbanları hökumətin nüvə prinsiplərini yenidən nəzərdən keçirməsinə etiraz edir
Yaponiyanın atom bombasından zərər çəkənləri təmsil edən Nihon Hidankyo təşkilatı hökumətin ölkənin üç qeyri-nüvə prinsipini yenidən nəzərdən keçirmə ehtimalına qarşı bəyanat yayıb.
Crossmedia.az bu barədə xarici KİV-ə istinadən xəbər verir. Məlumata görə, qrup bildirib ki, Yaponiyanın nüvə silahına sahib olmamaq, istehsal etməmək və ərazisində saxlanmasına icazə verməmək siyasəti dəyişdirilməməlidir.
Bundan əvvəl hakim Liberal Demokrat Partiyası müdafiə və təhlükəsizlik strategiyasını, o cümlədən əsas hərbi sənədləri yenidən nəzərdən keçirməklə bağlı müzakirələrə başlamışdı. Kyodo agentliyinin məlumatına görə, müzakirələrə üç qeyri-nüvə prinsipinə yanaşmanın da daxil ediləcəyi gözlənilir.
Fatimə Əhmədova
14:54 20.11.2025
Oxunuş sayı: 1721
