“Tehran Dizayn Həftəsi” qalmaqallı görüntülərdən sonra dayandırılıb
İranda noyabrın 10-da başlayan “Tehran Dizayn Həftəsi” yayılan görüntülərlə bağlı yaranan narazılıqlardan sonra dayandırılıb.
Crossmedia.az xarici KİV-ə istinadən xəbər verir. “Fars” agentliyinin məlumatına görə, tədbirin ləğvi SEPAH-a bağlı yarıhərbi “Bəsic” qüvvələrinin etirazından sonra rəsmiləşib.
Xəbərdə bildirilir ki, Bəsic yayılan kadrlarda “uyğunsuz görüntülər və davranışlar”ın olduğunu iddia edib. Agentlik videolarda “hicabsız şəxslər”in və “siyasi məzmunlu musiqi”nin yer aldığını qeyd edib.
Festival 16 noyabra qədər davam etməli idi, lakin etirazlardan sonra tədbirin fəaliyyəti dərhal dayandırılıb.
23:40 16.11.2025
Oxunuş sayı: 1490
