Venesuela ABŞ təhdidlərinə cavab olaraq qoşunları “Müstəqillik 200” planı üzrə tam döyüş hazırlığına gətirdi
Venesuela ABŞ tərəfindən gələn hərbi təhdidlər səbəbindən “Müstəqillik 200” planı çərçivəsində hərbi qulluqçuların, silah və texnikanın kütləvi yerləşdirilməsinə başlayaraq qoşunları tam döyüş hazırlığı vəziyyətinə gətirib.
Crossmedia.az bu barədə xarici mediaya istinadən xəbər verir.
Venesuela Müdafiə Nazirliyinin məlumatında deyilir:
“Bu yeni tam əməliyyat mərhələsi yerüstü, hava, dəniz, çay və raket vasitələrinin; hərbi hissələrin; Bolivar milisinin; və vətəndaş təhlükəsizliyi orqanlarının kütləvi istifadəsini nəzərdə tutur. Ölkə ərazisində xalq-hərbi-polisiya birliyi şəraitində müxtəlif tapşırıqlar yerinə yetiriləcək.”
Bu addımın əsas səbəbi ABŞ-ın Cənubi Komandanlıq məsuliyyət zonasında yerləşən USS Gerald R. Ford aviadaşıyıcısının gəlişi olub. Bu zonaya Latın Amerikası və Karib dəniz hövzəsi daxildir.
Eyni zamanda, Reuters qeyd edir ki, Venesuela hakimiyyəti ABŞ-ın torpaq hücumu halında əsas etibarilə assimmetrik partizan müharibəsinə ümid edir, çünki Venesuela ordusu ABŞ-la birbaşa hərbi toqquşmanı davam etdirə bilməz.
18:07 16.11.2025
Oxunuş sayı: 1699
