Bloomberg: İranın nüvə proqramı ətrafında qeyri-müəyyənlik hücumlardan sonra dərinləşir
Son İsrail–ABŞ hava hücumlarından sonra İran AEBA ilə əməkdaşlığı davamlı şəkildə dayandırır və aylarla yoxlamalara icazə vermir.
Crossmedia.az bu barədə Bloomberg-ə istinadən məlumat verir.
Nəticədə, silah səviyyəsinə yaxın uranın harada saxlanıldığı bilinmir.
Nəşrin məlumatına görə, İranın nüvə ehtiyatının naməlum olması bu həftə Vyanada keçiriləcək AEBA iclasının əsas müzakirə mövzusudur. Qərb diplomatları bildiriblər ki, Avropa ölkələri İranın nüvə anbarının yerini müəyyənləşdirmək üçün yeni yoxlama təlimatları hazırlayır.
Bir Qərb diplomatı bildirib ki, agentlik “dərhal yoxlamaya hazırdır”, lakin Tehran son hücumlardan sonra obyektlərin “təhlükəsiz olmadığını” əsas gətirərək bunu mümkün etmir. Diplomata görə, İran mümkün hücumları önləmək üçün məlumatı gizlədə bilər, amma bu məlumatsızlıq yeni hücum riskini də artıra bilər.
17:51 16.11.2025
Oxunuş sayı: 1903
