Xarici xəbərlər

İsrail müdafiə naziri Qəzzadakı tunellərin tam məhv edilməsini əmr edib

İsrail müdafiə naziri İsrayel Kats Qəzza sektorundakı bütün tunellərin tam məhv edilməsi barədə ÇAXAL-a (İsrail Müdafiə Qüvvələrinə) göstəriş verib.

Crossmedia.az məlumat verir ki, bu barədə İsrail mətbuatı məlumat yayıb.

Nazirin sözlərinə görə, tapşırıq HƏMAS döyüşçüləri tərəfindən istifadə olunan bütün yeraltı qurğuların dağıdılmasını və ləğv edilməsini nəzərdə tutur. Kats sosial şəbəkə X-də paylaşımında yazıb:

“Son tunelə qədər.”

İsrail müdafiə naziri həmçinin qeyd edib ki, əməliyyatların əsas məqsədi HƏMAS-ın fəaliyyətini dəstəkləyən infrastrukturu məhv etməklə təşkilatın Qəzza sektorundakı imkanlarını zəiflətməkdir.

“Əgər tunellər yoxdursa — HƏMAS da yoxdur,” – deyə İsrayel Kats əlavə edib.

Fidan Quliyeva

🖨 Çap et

13:23 07.11.2025

Oxunuş sayı: 1387