Zahid Oruc: Azərbaycanlılar Zəfəri yeni milli və siyasi kimliyin başlanğıcı kimi qəbul edirlər
"Vətən müharibəsində Qələbəmizin 5-ci ili, yeni siyasi təqvimin parlaq günü - 8 noyabr Ümumxalq bayramı qarşısındayıq. Əsrlər boyu dövlətçilik tarixində ağır sınaqlardan keçən azərbaycanlılar şərəflə qazandıqları Zəfəri təkcə ərazi bütövlüyü və suverenlik hadisəsi kimi deyil, həm də qalib yüz ilin, yeni milli və siyasi kimliyin başlanğıcı kimi qəbul edirlər".
Crossmedia.az xəbər verir ki, bu fikri Sosial Tədqiqatlar Mərkəzinin sədri, Milli Məclisin deputatı Zahid Oruc Bakıda keçirilən "XXI Əsrdə Dövlət Suverenliyi və Milli Konstitusiyalar: Qlobal Çağırışlar, Tendensiya və Perspektivlər" adlı beynəlxalq elmi-praktik konfransda açılış nitqində deyib.
O, qələbəmizdən sonra “Konstitusiya və suverenlik ili”nin elanının məhz Vətən müharibəsinin nəticəsi olduğunu qeyd edib.
Mərkəz sədri həmçinin Sosial Tədqiqatlar Mərkəzinin yarandığı gündən "salam sinemaçı"ların, "hüseynuyyun" və "zeynəbinyunçu"ların, "Mehdinin ordusu" adı ilə Londonda səfirliyimizə hücum edənlərin və ölkəmizi şimal, cənub təbəələyində görənlərin suverenliyimizə qəsd etmək, Qələbəmizi mənimsəmək və xaricidən idarə olunan hakimiyyət qurmaq planlarını aşkara çıxarmış olduğunu bildirib.
Elmir Heydərli
10:51 05.11.2025
Oxunuş sayı: 1477
