Samvel Babayan: Hakimiyyət ölkəni böyük müharibəyə aparır
“Əgər Ermənistan qlobal oyunda Türkiyə vasitəsilə Mərkəzi Asiyanı və Cənubi Qafqazı Rusiya və İranın təsirindən çıxarmağa çalışırsa, sizcə bu, bölgəyə sülh gətirəcəkmi? Xeyr, siz böyük addımlarla ölkəni böyük müharibəyə aparırsınız”.
Crossmedia.az xarici mediaya istinadən xəbər verir ki, bunu ləğv edilmiş qanunsuz “hərbi birləşmənin keçmiş komandiri”, ləğv edilmiş qondarma qurumun “təhlükəsizlik şurasının keçmiş katibi” Samvel Babayan deyib.
“Əgər bu cür davam edərsə, böyük müharibə olacaq. Biz regiona Amerika Birləşmiş Ştatlarını və Avropanı gətirdik. Rusiya Ukrayna cəbhəsində vəziyyəti yüngülləşdirən kimi, o və İran sizinlə məşğul olacaq”, - deyə o qeyd edib.
Babayan iqtisadiyyat və ordunun inkişafı ilə məşğul olmağa, hər kəslə əməkdaşlıq etməyə çağırıb.
“Hakimiyyət Ermənistanın müstəqilliyinə nail olmayıb, əks halda ABŞ-yə getməz və hər şeyi güzəştə getməzdi. Xüsusilə, onlar yolu güzəştə getdilər və indi Ermənistan tranzit gəlirlərini ABŞ ilə bölüşməyə məcbur olacaq. Nəyə görə? Vəziyyəti daha da gərginləşdirmək məqsədilə.
Nikol Paşinyan and içmişdi ki, Mehri üzərindən keçən yolu təhvil verməyəcək, amma verdi. Mən isə deyirdim ki, verəcək.
🔻Onlar özləri bütün yolları qura bilərdilər. Hakimiyyət onu bir gecədə təhvil verdi. Əgər bu, bir gecədə edilməyibsə, onda niyə əvvəlcədən İcevana gedən dəmir yolu tikilmədi?”, - deyə o vurğulayıb.
15:48 04.11.2025
Oxunuş sayı: 1307
