Paşinyan: Ərdoğanın sammitdə iştirak edəcəyinə ümid edirəm
Ermənistanın Baş naziri Nikol Paşinyan 2026-cı ilin may ayında İrəvanda keçiriləcək Avropa Siyasi Birliyinin sammitinə Türkiyə Prezidenti Rəcəb Tayyib Ərdoğanın da qatılacağına ümid etdiyini bildirib.
Crossmedia.az xarici mediaya istinadən xəbər verir ki, Paşinyanın sözlərinə görə, son dövrlərdə Ermənistan, Azərbaycan və Türkiyə arasında daimi institusional kommunikasiya formalaşıb. “Ermənistan və Türkiyə arasındakı münasibətlər düzgün istiqamətdə inkişaf edir,” – deyə Baş nazir vurğulayıb.
O, həmçinin Avropa İttifaqının Ermənistanda fəaliyyət göstərən monitorinq missiyasının işi barədə də danışıb. Paşinyan qeyd edib ki, Ermənistan və Azərbaycan arasında münasibətlərin normallaşdırılmasına dair sənəd imzalanana qədər Aİ missiyasının fəaliyyətində hər hansı dəyişiklik gözlənilmir.
“Monitorinq qrupunun fəaliyyətində əhəmiyyətli dəyişikliklər ən azı sülh sazişi imzalanana və dövlətlərarası münasibətlər qurulana qədər baş verməyəcək. Saziş imzalanıb ratifikasiya olunduqdan sonra, təbii ki, fəaliyyət formatında müəyyən dəyişikliklər ola bilər və bu, həyata keçiriləcək. Bu mövzu ilə bağlı Avropa İttifaqı ilə tərəfdaş müzakirələrimiz olub,” – deyə Paşinyan əlavə edib.
Nigar Yahyazadə
14:53 04.11.2025
Oxunuş sayı: 1643
