Donald Tramp Ukraynaya silah yardımı ilə bağlı mövqeyini açıqladı
ABŞ prezidenti Donald Tramp Ukrayna müharibəsi ilə bağlı yeni açıqlama verib. O, ABŞ-nin Kiyevə “Tomahawk” tipli uzaqmənzilli qanadlı raketlər göndərməsi məsələsini hazırda nəzərdən keçirmədiyini bildirib.
Crossmedia.az xarici KİV-ə istinadən xəbər verir ki, müharibə artıq elə mərhələyə çatıb ki, tərəflər bir-birinə tükənən güclərlə müqavimət göstərir.
“Xeyr. Qərarımı dəyişə bilməyəcəyim üçün deyil, sadəcə hazırda — xeyr”, — deyə Tramp bildirib.
Putinin Ukraynada müharibəni bitirmək istəmədiyini sübut edəcək “son damla”nın nə ola biləcəyi sualına cavabında isə Tramp deyib ki, “heç bir son damla olmayacaq”.
“Bəzən onlara döyüşməyə imkan vermək lazımdır. Və bu, Putin üçün də çətin müharibədir. O, çoxlu əsgər itirib. Ola bilsin, bir milyon. Ukrayna üçün də çətindir. Hər iki tərəf üçün bu ağırdır”.
Türkanə Məşədiyeva
09:10 03.11.2025
Oxunuş sayı: 1461
