Kaladze: Almaniya səfiri Tbilisidəki aqressiv qrupların tərkibindədir
Gürcüstanın paytaxtı Tbilisinin meri Kaxa Kaladze bildirib ki, hazırda şəhər küçələrində baş verən hadisələr xaricdən maliyyələşdirilir və yönləndirilir. Crossmedia.az bu barədə Gürcüstan mətbuatına istinadən xəbər verir.
Kaladzenin sözlərinə görə, Almaniya səfiri hazırda Tbilisidə fəaliyyət göstərən aqressiv qrupların tərkibində yer alır və proseslərin əsas təşkilatçılarından biridir.
“Bu gün Tbilisinin küçələrində baş verənlərin hamısı xaricdən diktə olunur və maliyyələşdirilir. Bir məsələ danılmazdır — Almaniya səfiri hazırda paytaxtda fəaliyyət göstərən aqressiv qrupların tərkibindədir və əsas təşəbbüskardır. Onların xaricdə himayədarları, Gürcüstan daxilində isə bu hərəkətləri birbaşa idarə edən nümayəndələri var”, — deyə Kaladze bildirib.
12:36 02.11.2025
Oxunuş sayı: 1722
