"Türküstan.az" Cross Media-nı təbrik edib
Türküstan.az Crossmedia.az-ı 1 yaş münasibətilə təbrik edib. Sözügedən təbriki təqdim edirik:
Turkustan.az xəbər verir ki, Crossmedia.az Analitik İnformasiya Portalının fəaliyyətinin bir yaşı tamam olur. 2024-ci il noyabrın 1-də təsis olunan sayt qısa müddət ərzində özünəməxsus analitik üslubu, obyektiv informasiya təqdimatı və müasir media prinsiplərinə sadiqliyi ilə informasiya məkanında yer tuta bilib. Saytın əsas məqsədi cəmiyyət üçün düzgün, dəqiq və düşünülmüş informasiya axını yaratmaq, oxuculara təhlil və fikir mübadiləsi üçün platforma təqdim etməkdir.
Crossmedia.az yarandığı gündən etibarən obyektiv və qərəzsiz olmağa çalışıb. Dövlət və dövlətçiliklə bağlı məsələləri, o cümlədən Prezident İlham Əliyevin səfər, görüş və çıxışlarını işıqlandırmağı prioritet olaraq müəyyənləşdirib. Bu baxımdan portaldakı "Prezident gündəliyi" bölməsi xüsusi qeyd edilməlidir.
Analitik informasiya portalı öz fəaliyyətində təhlili və araşdırma materialların dərcinə xüsusi yer verir. Bu baxımdan Cross Media Təhlil Mərkəzinin analitikləri saytda müntəzəm olaraq cəmiyyəti maraqlandıran siyasi, geosiyasi, iqtisadi, sosioloji mövzularla bağlı araşdırma və təhlillərlə çıxış edirlər.
Crossmedia.az kollektivi həm də orijinallığını qorumağa çalışır. Saytdakı maraqlı rubrikaları - mediaya həsr olunan "Mətbuat-150", qələbəmizi təqdim edən "Zəfər-5", o cümlədən "Yüksəliş" müsabiqəsinin qalibləri ilə müsahibələri ehtiva edən ""Yüksəliş" hekayəsi", həmçinin "Dünya iqtisadiyyatı və Azərbaycan", "Doktor danışır" layihələri bu baxımdan səciyyəvidir.
Crossmedia.az sosial media platformalarında fərqli kontentlərlə çıxış edir.
Crossmedia.az həmçinin Milli Məclisin deputatları, partiya sədrləri, ictimai xadimlər və müxtəlif sahə üzrə ekspertlərlə mütəmadi əməkdaşlıq edərək, informasiya ilə yanaşı, müsahibə, açıqlama, rəyləri də təqdim edir.
Crossmedia.az-nın özəlliklərindən biri də gənc jurnalist nəslinin yetişməsinə töhfə verməsidir. Qələm tutmağı burada öyrənən gənclər artıq peşəkar media təmsilçisi kimi imzalarını tanıtmaqdadırlar.
Bir yaşlı portal bu gün artıq etibarlı informasiya mənbəyi, analitik mərkəz və ictimai rəyin formalaşmasında iştirak edən media qurumu kimi tanınır. 1 yaşını tamamlayan Crossmedia.az komandasını təbrik edir və uğurlar arzulayırıq.(Türküstan.az)
23:45 01.11.2025
Oxunuş sayı: 1243
