Crossmedia.az saytı ölkəmizin media resursları arasında özünün obyektivliyi ilə seçilir - Partiya sədri
Crossmedia.az Analitik İnformasiya Portalının fəaliyyətə başlamasından bir il keçir. Noyabrın 1-də saytın yaranmasının 1 yaşı tamam olur. İldönümü ərəfəsində redaksiyamıza təbriklər artıq daxil olmağa davam edir.
Ədalət Partiyasının rəhbəri Mütəllim Rəhimli 1 yaş münasibətilə Crossmedia.az kollektivini təbrik edib:
"Müasir dövrdə media cəmiyyətə təsir baxımından böyük bir güc olaraq qalır. Obyektiv media isə ehtiyac duyulan, dəyərləri, nizamı qoruyan sərvətdir. Crossmedia.az saytı ölkəmizin media resursları arasında özünün obyektivliyi ilə seçilir. Saytın yayımladığı bütün informasiyalar medianın müqəddəs vəzifəsinə sadiqlik və hörmətdən qaynaqlanır. Ruhunun vətənə və xalqa xidmətlə yoğrulduğu görünür.
İndi doğru yalanın ayrıd edilməsinin cətinləşdiyi bir dövrdə belə saytlara çox ciddi ehtiyac duyulur. Obyektivlik, həqiqəti yazmaq, cəmiyyətə çatdırmaq ən böyük ədalətdir. Yalnız ədalətli insanlar belə bir missiyanı yerinə yetirə bilərlər. Saytın baş redaktoru Mübariz Göyüşlü özünün bütün müsbət keyfiyyətlərini medianın vəzifələri ilə birləşdirərək sevilən, oxunaqlı bir sayt yaradıb.
Crossmedia.az bir il ərzində etiraf olunan media qurumlarından birinə çevrilib. Bu həm də böyük zəhmətin, gərgin yaradıcılıq əzminin bəhrəsidir.
Bir yaşını qeyd edən Crossmedia.az saytının baş redaktorunu, bütün əməkdaşları təbrik edirəm, bol uğurlar arzulayıram".
Elmir Heydərli
19:17 01.11.2025
Oxunuş sayı: 2544
