Millət vəkili: Əminəm ki, Crossmedia.az gələcəkdə də öz uğurlu yolunu davam etdirəcək
Crossmedia.az Analitik İnformasiya Portalının fəaliyyətə başlamasından bir il keçir. Noyabrın 1-də saytın yaranmasının 1 yaşı tamam olur. İldönümü ərəfəsində redaksiyamıza təbriklər artıq daxil olmağa davam edir.
Milli Məclisin deputatı Naqif Həmzəyev bir yaş münasibətilə Crossmedia.az kollektivini təbrik edib:
"Azərbaycan mətbuatı günü-gündən inkişaf edir, müasir dövrün çağırışlarına çevik şəkildə cavab verir və bu inkişaf bizi sevindirir. Yeni yaranan xəbər saytları, agentliklər və qəzetlər bu prosesdə fəal iştirak edərək informasiya məkanının zənginləşməsinə töhfə verməkdədir.
Xüsusilə də gənc jurnalistlərin təşəbbüsü ilə formalaşan xəbər agentlikləri və media qurumları bu informasiya mübarizəsində mühüm və fəal rol oynayırlar. Bu sırada biz Crossmedia.az-ın da fəaliyyətini xüsusi qeyd etməliyik. Gənc jurnalistlərin burada göstərdiyi nümunəvi peşəkarlıq və yaradıcılıq bizi, həqiqətən, sevindirir.
Mən Crossmedia.az kollektivini fəaliyyətlərinin bir ili tamam olması münasibətilə səmimi qəlbdən təbrik edir, onlara gələcək peşə fəaliyyətlərində uğurlar arzulayıram. Əminəm ki, Crossmedia.az gələcəkdə də öz uğurlu yolunu davam etdirəcək və yeni-yeni yubileylərini qeyd etmək nəsib olacaqdır.
Bir daha rəhbərliyi, yaradıcı heyəti və bütün jurnalistləri ürəkdən təbrik edir, onlara davamlı uğurlar diləyirəm".
Elmir Heydərli
18:30 01.11.2025
Oxunuş sayı: 1885
