Parlamentaridən təbrik: Crossmedia.az obyektivlik və məsuliyyət nümunəsi kimi tanınır.
Crossmedia.az Analitik İnformasiya Portalının fəaliyyətə başlamasından bir il keçir. Noyabrın 1-də saytın yaranmasının 1 yaşı tamam olur. İldönümü ərəfəsində redaksiyamıza təbriklər artıq daxil olmağa davam edir.
Milli Məclisin deputatı Məlahət İbrahimqızı 1 yaş münasibətilə Crossmedia.az kollektivini təbrik edib:
"Mətbuat sahəsində fəaliyyət göstərən bir sayt kimi sizi həm peşəkar fəaliyyətinizdə, həm də jurnalistikaya gətirdiyiniz yenilikçi yanaşmadan tanıyıram. Crossmedia.az həm rəhbərliyinizin, həm də əməkdaşlarınızın simasında bu gün Azərbaycan mediasında obyektivlik və məsuliyyət nümunəsi kimi tanınır.
Fəaliyyətə başladığınız ilk gündən etibarən siz daim aktual, ictimai əhəmiyyət daşıyan, dövlətimizi və xalqımızı düşündürən məsələlərə toxunmusunuz. Əməkdaşlarınızın müsahibələrdə verdiyi sualların məzmunu, təhlil üslubu və peşəkar yanaşması bir daha göstərir ki, Crossmedia.az həm milli dəyərləri qorumaqla, həm də ictimai fikrin formalaşmasında mühüm rol oynayır.
Bu bir il ərzində qazandığınız etimad və hörmət təsadüfi deyil. Bu, həm əməklə, həm dürüst mövqeyinizlə, həm də informasiyanın düzgün və obyektiv təqdimatı ilə qazanılıb.
Əminəm ki, gələcək illərdə də Crossmedia.az Azərbaycan mediasında özünəməxsus dəst-xətti ilə seçiləcək, ziyalılarımız, ictimaiyyət nümayəndələri və oxucular üçün etibarlı informasiya mənbəyi olaraq qalacaqdır.
Arzu edirəm ki, saytınızda ölkəmiz, dövlətimiz və xalqımızla bağlı ən gözəl xəbərləri sizin vasitəsilə əldə edək.
Sizi səmimi-qəlbdən təbrik edir, bütün kollektivə yeni uğurlar, daha böyük nailiyyətlər və davamlı inkişaf arzulayıram".
Elmir Heydərli
17:44 01.11.2025
Oxunuş sayı: 2006
