Aqil Abbas: Paşinyan hakimiyyətdə qalmağı bacarsa...
Beynəlxalq Valyuta Fondunun Yaxın Şərq və Mərkəzi Asiya Departamentinin direktoru Cihad Azur bildirib ki, Vaşinqtonda Azərbaycan və Ermənistan arasında sülh sazişinin paraflanması regionda sabitlik və əməkdaşlıq baxımından mühüm addımdır. Onun sözlərinə görə, prosesin davam etməsi ticarət, investisiya və iqtisadi inteqrasiya üçün yeni imkanlar aça bilər. Azad olunmuş ərazilərin bərpası və regional əməkdaşlıq perspektivləri də bu kontekstdə xüsusi əhəmiyyət kəsb edir.
Bu sənədin paraflanması uzun illər davam edən gərginlikdən sonra regionda real sülhə doğru atılmış mühüm addım kimi qiymətləndirilə bilər. Əgər tərəflər bu prosesi ardıcıl və konstruktiv şəkildə davam etdirsələr, Cənubi Qafqazda iqtisadi inkişaf və yeni əməkdaşlıq imkanları daha da genişlənəcək. Bu isə həm ölkələr, həm də bütün region üçün mühüm üstünlüklər yaradacaq.
Proseslərin gedişatı ilə bağlı Milli Məclisin deputatı Aqil Abbas Crossmedia.az-a açıqlama verib: “Bu addım yüksək qiymətləndirilir. Ermənistan baş naziri Nikol Paşinyan son 28 ayda bölgədə nisbi sabitliyin olduğunu bildirir. Əgər proses eyni şəkildə davam edərsə və o, hakimiyyətdə qalmağa davam edərsə, sülh müqaviləsinin imzalanması mümkündür".
Ülvi Zahidov
19:47 31.10.2025
Oxunuş sayı: 2312
