Ermənistan Naxçıvana qədər uzanan dəmir yolu üçün vəsait ayırmayıb
Ermənistanın ərazi idarəetməsi və infrastruktur naziri David Xudatyan parlament komissiyalarının birgə iclasında 2026-cı il dövlət büdcəsi layihəsini müzakirə edərkən bildirib ki, Yerasx qəsəbəsindən Naxçıvan sərhədinədək uzanan dəmir yolu xəttinin bərpası üçün büdcədə maliyyə vəsaiti nəzərdə tutulmayıb.
Crossmedia.az bu barədə xarici mediaya istinadən xəbər verir. Nazirin sözlərinə görə, nəqliyyat kommunikasiyalarının mümkün açılmasına hazırlıq məqsədilə dəmir yolu infrastrukturunun maliyyələşdirilməsi də planlaşdırılmayıb.
“ABŞ-la əməkdaşlığın əlaqələndirilməsi və Ermənistanın Meğri regionundakı infrastruktur layihələrinin idarə olunması məsələləri baş nazir müavini Mger Qriqoryanın aparatının səlahiyyətindədir”, – deyə Xudatyan əlavə edib.
15:26 31.10.2025
Oxunuş sayı: 1516
