Xarici xəbərlər

Rusiyada Telegram və WhatsApp qeydiyyatına qadağa tətbiq edilib

Rusiyada yeni istifadəçilərin Telegram və WhatsApp messencerlərində qeydiyyatı ilə bağlı ciddi məhdudiyyətlər tətbiq olunub. Qərarın əsas məqsədinin bu platformalar üzərindən məlumat dövriyyəsini nəzarətə götürmək və istifadəçi fəaliyyətini məhdudlaşdırmaq olduğu bildirilir.

Crossmedia.az xəbər verir ki, bu barədə “Kod Durova” nəşri məlumat yayıb.

Məlumata görə, Rusiyanın mobil operatorlarına messencerlərdə qeydiyyat üçün tələb olunan SMS və zənglər vasitəsilə göndərilən təsdiq kodlarını ötürmək qadağan edilib. Artıq “Beeline” istifadəçiləri Telegram-dan SMS qəbul edə bilmirlər.

Mənbənin bildirdiyinə görə, yaxın günlərdə yeni hesabların yaradılması mümkünsüz, mövcud hesabların isə avtorizasiyası çətin ola bilər.

Türkan Kərimli

🖨 Çap et

11:28 31.10.2025

Oxunuş sayı: 2111