Əməkdar jurnalist: Crossmedia.az kollektivi ölkəmizim inkişafına və tərəqqisinə öz töhfəsini verir
Crossmedia.az Analitik İnformasiya Portalının fəaliyyətə başlamasından bir il keçir. Noyabrın 1-də saytın yaranmasının 1 illiyi qeyd olunacaq. İldönümü ərəfəsində redaksiyamıza təbriklər artıq daxil olmağa davam edir.
Əməkdar jurnalist, Fəxri Bədən tərbiyəsi və idman işçisi Oqtay Bayramov da kollektivimizi təbrik edib: "Fərəhli hadisə ərəfəsindəyik. Crossmedia az analitik informasiya portalının fəaliyyətə başlamasının 1 ili tamam olur. Əlamətdar gün münasibətilə saytın bütün kollektivini təbrik edir və ilk addımınız, bu şərəfli yolda ilk uğurlarınız mübarəkdir deyirəm.
Sayt əməkdaşlarının bir il ərzində gördükləri işi ürəkdən təqdir edirəm. Gənc və çalışqan kollektiviniz işə məsuliyyətlə yanaşır, ölkədə və dünyada baş verən ən mühüm hadisələri operativ şəkildə oxucuların diqqətinə çatdırır, bununla da beynəlxalq aləmdə nüfuzu gündən-günə artan sevimli vətənimiz Azərbaycanın həyatın bütün sahələrində daha da inkişafına və tərəqqisinə öz töhfəsini verir.
Mənə də bir neçə dəfə ölkəmizin idman həyatı ilə bağlı fikirlərimi bildirmək imkanı yaratmışsınız. Təkliflərinizi məmnuniyyətlə qəbul etmişəm və buna görə yenidən sizə minnətdarlığımı bildirirəm.
Belə bir xoş gündə Crossmedia.az əməkdaşlarını bir daha təbrik edir, fəaliyyətlərində yeni-yeni uğurlar arzulayıram".
Kənan Novruzov
11:22 31.10.2025
Oxunuş sayı: 2157
