Astanada prezidentin sabiq müşaviri döyülərək qətlə yetirilib
Qazaxıstanda səs-küyə səbəb olan hadisə baş verib — ölkə prezidentinin keçmiş müşaviri Erjan Babakumarov Astanada amansızcasına döyülərək öldürülüb. Faktı Qazaxıstan Baş prokurorunun müavini Qalımjan Koygeldiyev təsdiqləyib.
Crossmedia.az xarici mediaya istinadən xəbər verir.
Hadisə barədə polis məlumat yayıb. Bildirilib ki, Babakumarovla onun tanışı arasında mübahisə yaranıb və bu, qısa zamanda davaya çevrilib. Nəticədə sabiq müşavir aldığı xəsarətlərdən dünyasını dəyişib.
Hazırda hadisə ilə bağlı şübhəli şəxs saxlanılıb, fakt üzrə cinayət işi açılıb. Təhlükəsizlik orqanları insidentin bütün detalları ilə bağlı araşdırma aparır.
Günel Verdiyeva
18:42 30.10.2025
Oxunuş sayı: 1690
