Gündəm

DTX-nın saxladığı icra başçısı kimdir?

Dövlət Təhlükəsizliyi Xidməti (DTX) Balakən Rayon İcra Hakimiyyətində əməliyyat keçirir. Əməliyyat çərçivəsində rayonun icra başçısı İslam Rzayevin və bir neçə digər rəsmi şəxsin saxlanıldığı bildirilir.

Crossmedia.az İslam Rzayev haqqında bioqrafiyanı təqdim edir.

İslam Vahid oğlu Rzayev Azərbaycan Respublikasının dövlət məmurudur və uzun illər müxtəlif dövlət strukturlarında rəhbər vəzifələrdə çalışıb. 2011-ci ildən Balakən Rayon İcra Hakimiyyətinin başçısı və YAP üzvüdür.

İslam Rzayev, 1965-ci ildə Göyçay rayonunda anadan olub.

1988-ci ildə Leninqrad Maliyyə-İqtisad İnstitutunun Bakı filialını iqtisadçı ixtisası üzrə bitirib.

Azərbaycan Dövlətinin maliyyə strukturunda karyerası başlayıb - 1988-ci ildə Göyçay Rayon Maliyyə İdarəsində böyük iqtisadçı olaraq əmək fəaliyyətinə start verib.

İslam Rzayev Azərbaycan Respublikası Vergilər Nazirliyinin Göyçay rayonu, Bakı şəhərinin Nizami və Əzizbəyov rayonları üzrə strukturlarında şöbə rəisi, müfəttişliyin rəisi və idarə rəisinin müavini olub, “Azəriqaz” QSC-də baş mütəxəssis kimi çalışıb, Azərbaycan Dövlət Neft Şirkətinin Audit Departamentində 2007–2011-ci illərdə rəis müavini vəzifəsini icra edib.

İslam Rzayev 18 may 2011-ci ildə Balakən Rayon İcra Hakimiyyətinin başçısı təyin edilib.

Bəli, Yeni Azərbaycan Partiyasının (YAP) üzvüdür.

Ailəlidir və 3 övladı var.

İslam Rzayevin qızı Fəridə Rzayeva Suraxanı Rayon Məhkəməsinin hakimidir.

Dövlət Təhlükəsizliyi Xidmətinin keçirdiyi əməliyyat çərçivəsində rayonun icra başçısı İslam Rzayevin və bir neçə digər rəsmi şəxsin saxlanıldığı bildirilir.(Lent.az)