Tezliklə ABŞ-Azərbaycan strateji işçi qrupu fəaliyyətə başlayacaq
ABŞ Dövlət Departamenti bildirib ki, bu təşəbbüs Vaşinqton və Bakı arasında əməkdaşlığın yeni mərhələsini formalaşdırmağa yönəlib.
Crossmedia.az ABŞ mediasına istinadən xəbər verir.
“ABŞ-Azərbaycan strateji işçi qrupunun nizamnaməsi ilk dəfə olaraq iki ölkə arasında strateji tərəfdaşlığın əsasını qoyacaq və əməkdaşlığın regional əlaqəlilik, iqtisadi investisiyalar və təhlükəsizlik sahələrində genişləndirilməsinə xidmət edəcək”, – qurumun mətbuat xidmətindən bildirilib.
Bundan əlavə, Dövlət Departamentində qeyd olunub ki, Vaşinqton ilin sonunadək Azərbaycan və Ermənistanla ilk işçi qruplarını yaratmağı planlaşdırır. Açıqlamada vurğulanıb ki, ABŞ hökuməti əldə olunan razılaşmalar əsasında hər iki ölkə ilə əməkdaşlığı dərinləşdirməyə davam edəcək.
Günel Verdiyeva
09:39 29.10.2025
Oxunuş sayı: 1318
