Suriyada avtobusa silahlı hücum edilib: ölənlər və yaralananlar var
Bu gün Suriyanın Dəməşq-Suveyda magistralında sərnişin avtobusuna silahlı hücum edilib.
Crossmedia.az xarici mediaya istinadən xəbər verir ki, bu barədə yerli mənbələrin məlumatına görə, naməlum şəxslər avtobusa atəş açaraq iki şəxsi öldürüb, dörd nəfəri isə yaralayıblar.
Hadisənin silahlıların Suveyda əyalətinin kəndlərində yerli sakinlərə və təhlükəsizlik qüvvələrinə etdiyi hücumlardan yalnız iki gün sonra baş verdiyi bildirilib. Hücumların məqsədinin bölgədəki sabitliyi pozmaq və əhali arasında təşviş yaratmaq olduğu vurğulanıb.
19:03 28.10.2025
Oxunuş sayı: 1245