Sülh gündəliyinin inkişafı Zəngəzur dəhlizinin fəaliyyətinə imkan yaradır - Deputat
Azərbaycan və Ermənistan arasında son illərdə sülh gündəliyi diqqət mərkəzindədir. Uzun illər davam edən gərginlik və qarşılıqlı münasibətlərin mürəkkəbliyi fonunda, əldə edilən razılaşmalar həm regionda stabilliyin bərqərar olmasına, həm də hər iki ölkənin iqtisadi və siyasi maraqlarına töhfə verə bilər. Bu kontekstdə, sülh və əməkdaşlıq istiqamətində atılan addımlar, nəqliyyat dəhlizlərinin açılması, səyahət imkanlarının genişləndirilməsi və digər praktik layihələr, region üçün mühüm əhəmiyyət daşıyır.
Ermənistan xarici işlər naziri Ararat Mirzoyan bəyan edib ki, Azərbaycanla əldə edilən bütün razılaşmalar qarşılıqlı faydalıdır.
O, Ermənistan və Azərbaycan arasında sülh və kommunikasiyaların açılması barədə razılaşmalara əməl edilməsinə zəmanətlərlə bağlı suala cavab verərkən bunu bəyan edib.
"Belə zəmanətlər işləmir, biz bunu öz təcrübəmizdən də bildik", - o qeyd edib.
Onun sözlərinə görə, Ermənistan və Azərbaycan arasında sülhün bərqərar olması dönüş nöqtəsidir.
Nazir, həmçinin müqavilələrin yerinə yetirilməsinə ən yaxşı təminatın üçüncü tərəfin, xüsusilə də fövqəldövlətin iştirakı ola biləcəyi fikrini rədd edib.
O, sülh sazişi nəticəsində guya Azərbaycanın hər şeyi, Ermənistanın isə heç nə əldə etməyəcəyi barədə bəyanatları da şərh edib: "Bizim əldə etdiyimiz şey bizim üçün faydalıdır. Azərbaycanın əldə etdiyi şey onlar üçün çox vacibdir. Bu halda hər iki tərəf razılaşmalara riayət etməkdə maraqlı olacaq. ABŞ Prezidenti Donald Trampın iştirakı əlavə dəyər hesab oluna bilər".
Məlum olduğu kimi, Azərbaycan və Ermənistan arasında son illərdə sülh gündəliyi diqqət mərkəzindədir. Uzun illər davam edən gərginlik və qarşılıqlı münasibətlərin mürəkkəbliyi fonunda, əldə edilən razılaşmalar həm regionda stabilliyin bərqərar olmasına, həm də hər iki ölkənin iqtisadi və siyasi maraqlarına töhfə verə bilər. Bu kontekstdə, sülh və əməkdaşlıq istiqamətində atılan addımlar, nəqliyyat dəhlizlərinin açılması, səyahət imkanlarının genişləndirilməsi və digər praktik layihələr, region üçün mühüm əhəmiyyət daşıyır.
Bu razılaşmaların konkret faydaları və sülhə gətirəcəyi töhfələr barədə Milli Məclisin deputatı Fariz İsmayılzadə Crossmedia.az – a danışıb:
Parlamentari bildirib ki, sülh gündəliyinin inkişafı səyahətlərin açılması, nəqliyyat dəhlizlərinin genişləndirilməsi, yeni dəmir və avtomobil yollarının tikintisi, həmçinin Zəngəzur dəhlizinin fəaliyyətinə imkan yaradır: “Vaşinqtonda imzalanmış sənədlər praktik addımlar olmaqla, həm iki ölkəyə, həm də bütün regiona sabitlik və firavanlıq gətirir. Bu razılaşmalar yalnız iqtisadi maraqlarla məhdudlaşmır, eyni zamanda bölgədə uzunmüddətli sülh və əməkdaşlıq mühitinin formalaşmasına xidmət edir”.
Fidan Bəhmənova
20:46 27.10.2025
Oxunuş sayı: 3596
