Türkiyəli nazir müavini: Zəngəzur dəhlizi və BTQ bir-birini tamamlayacaq
“Avqust ayında təməli qoyulmuş 224 kilometrlik Qars-İğdır-Aralıq-Dilucu dəmir yolu xətti Zəngəzur dəhlizinin önəmli hissəsinə çevriləcək”.
Crossmedia.az xəbər verir ki, bunu Türkiyənin nəqliyyat və infrastruktur nazirinin müavini Osman Boyraz V Tbilisi İpək Yolu Forumu çərçivəsində keçirilən “Orta Dəhliz: Etibarlılıqdan effektivliyə” adlı paneldə çıxışında deyib.
Onun sözlərinə görə, Zəngəzur dəhlizi və Bakı-Tbilisi- Qars dəmir yolu xətti bir-birinə alternativ olmayacaq, bir-birini tamamlayacaq.
Nazir müavini bildirib ki, Türkiyə Orta Dəhlizin potensialının tam reallaşdırılması üçün səylərini bundan sonra da davam etdirəcək.
Boyraz qeyd edib ki, Orta Dəhlizdə rəqəmsallaşdırılma və “bir pəncərə” sisteminin tətbiqi marşrutu daha cəzbedici edəcək.
16:01 22.10.2025
Oxunuş sayı: 1075
