Özbəkistanda 2,1 mindən çox dövlət qulluqçusu vəzifədən azad edilib
Özbəkistanda nazirliklərdə çalışan 2,1 mindən çox dövlət qulluqçusu ixtisar ediləcək.
Crossmedia.az xəbər verir ki, bu barədə Özbəkistan mediası məlumat yayıb.
Məlumata görə, bu qərar dövlət orqanlarının işinə rəqəmsal texnologiyaların tətbiqi hesabına ştatın optimallaşdırılmasına yönəlmiş prezident fərmanından irəli gəlir.
Sənədə əsasən, Özbəkistanın Əmək Nazirliyi və Həmkarlar İttifaqları Federasiyası ixtisar olunan bütün əməkdaşların yeni iş tapmasına kömək göstərəcək.
Fərmanda, həmçinin, dövlət qurumlarında məlumatların emalı və süni intellekt (Aİ) əsaslı layihələrin həyata keçirilməsi üçün infrastrukturun yaradılması da nəzərdə tutulur.
Türkan Kərimli
12:49 08.10.2025
Oxunuş sayı: 2124
