Xarici xəbərlər
Ağ Ev federal qulluqçuların kütləvi şəkildə işdən çıxarılmasına başlayacaq
ABŞ Prezidenti Donald Tramp hesab etsə ki, “şatdaun”la bağlı danışıqlar uğursuzluqla nəticələnib, Ağ Ev federal qulluqçuların kütləvi şəkildə işdən çıxarılmasına başlayacaq.
Crossmedia.az xəbər verir ki, bu barədə Reuters məlumat yayıb.
Agentliyə danışan Ağ Evin yüksək rütbəli nümayəndəsinin sözlərinə görə:
“Əgər Prezident Donald Tramp Konqresdəki demokratlarla hökumətin qismən fəaliyyətinin dayandırılmasının aradan qaldırılması ilə bağlı aparılan danışıqların nəticə vermədiyinə qərar versə, Tramp administrasiyası federal qulluqçuların kütləvi ixtisarına başlayacaq.”
Bununla belə, Ağ Evin Milli İqtisadi Şurasının direktoru Kevin Hassett hələ də ehtimal edir ki, demokratlar geri çəkiləcək və büdcənin dayandırılması, eləcə də federal işçilərin ixtisarı kimi bahalı nəticələrin qarşısını alacaqlar. Daha əvvəl Ağ Evin Büdcə İdarəsinin direktoru Rassel Voout belə bir addımla hədələyib.
Səbiyyə Zayirova
11:23 06.10.2025
Oxunuş sayı: 2988
