Bəşər Əsədin rejimi devrildikdən sonra ilk parlament seçkiləri 5 oktyabrda keçirilib
Suriyada sabiq prezident Bəşər Əsədin rejimi devrildikdən sonra ilk parlament seçkiləri 5 oktyabrda keçirilib.
Crossmedia.az xəbər verir ki, NHK-nin məlumatına görə, seçkilər dolayı yolla aparılıb. Parlamentin 70 üzvü ölkənin müvəqqəti prezidenti Əhməd əş-Şəraa tərəfindən təyin olunub, daha 140 nəfər isə hökumət tərəfindən formalaşdırılmış seçki komissiyalarının tərkibindən seçkiçilər vasitəsilə seçilib. Qeydiyyatdan keçmiş seçkiçilərin sayı təxminən 6 min nəfər olub, onlar deputatlığa namizəd olan 1570 nəfəri nəzərdən keçiriblər.
Suriya hökuməti hesab edir ki, seçicilərin dəqiq qeydiyyatında çətinliklər olduğuna görə ümumxalq səsverməsinin keçirilməsi "hələlik mümkün deyil". Bundan əlavə, ölkənin bəzi bölgələrində birbaşa səsvermə təhlükəsizlik səbəblərinə görə təxirə salınmalı olub. Belə bölgələrə kürdlərin nəzarətində olan şimal-şərq əyalətləri və əvvəllər bədəvi tayfalarla druz dini azlığı arasında toqquşmaların baş verdiyi cənub əraziləri daxildir.
11:21 06.10.2025
Oxunuş sayı: 2738
