Hakan Fidan: Donetsk bölgəsinin 20-25% ərazisi əsas maneə olaraq qalır
"Ukraynada sülhün bərqərar olmasına əsas maneə Rusiyanın hələ də işğal etmədiyi Donetsk vilayətinin 25%-nə nəzarət məsələsidir".
Crossmedia.az xəbər verir ki, bunu açıqlamasında Türkiyə xarici işlər naziri Hakan Fidan deyib.
"Rusiya prezidenti Vladimiz Putin və ABŞ prezidenti Donald Trampın görüşündən sonra hər iki tərəfin mövqeyi daha aydın olub, lakin Donetsk bölgəsinin nəzarət edilməyən 20-25% ərazisi əsas maneə olaraq qalır.
Rusiya bu bölgəni tamamilə işğal etməyə çalışır. Kiyev israr edir ki, bu ərazi onun bütövlüyü üçün həlledici əhəmiyyət kəsb edir və döyüşsüz onu verə bilməz. Hesab edirəm ki, cəbhədə döyüşlər güclənir, Rusiya və Ukrayna “zəiflik göstərməməyə” çalışır. Biz eskalasiyanın yeni mərhələsini görəcəyik buna görə də danışıqlarda müəyyən fasilə yaranacaq",- deyə Hakan Fidan bildirib.
18:47 05.10.2025
Oxunuş sayı: 3397
