Pakistan ordusu Fatah-4 qanadlı raketini uğurla sınaqdan keçirdi
Pakistan Silahlı Qüvvələrinin Mətbuat Xidməti (ISPR) məlumat yayıb ki, ordu yeni istehsal olunan yer-əsaslı qanadlı raket sistemi Fatah-4-ün təlim atışını uğurla həyata keçirib. Bu sınaq ölkənin adi silahlar üzrə raket potensialında mühüm irəliləyiş hesab olunur.
Crossmedia.az xəbər verir ki , bu barədə xarici KİV məlumat yayıb.
Məlumata görə, raket 750 kilometr məsafədə hədəfi dəqiq vurub. Fatah-4 qabaqcıl avionika və müasir naviqasiya sistemləri ilə təchiz olunub. O, relyefə uyğun uçuş texnologiyası sayəsində hava hücumundan müdafiə sistemlərini aşaraq hədəfləri yüksək dəqiqliklə məhv etmək imkanına malikdir.
Raket radar stansiyalarından yayınmaq üçün 50 metrədək aşağı irtifada uçuş həyata keçirə bilir. Onun naviqasiya sistemi GPS/İNŞ texnologiyası ilə yanaşı, optoelektron-infraqırmızı və radiolokasiya sensorlarını da əhatə edən ikirejimli başlıqdan ibarətdir.
ISPR sınağın uğurla başa çatdığını və raketin planlaşdırıldığı kimi fəaliyyət göstərdiyini vurğulayıb. Bildirilir ki, Fatah-4 ordunun zərbə və manevr imkanlarını daha da genişləndirəcək.
17:59 01.10.2025
Oxunuş sayı: 5331
