KİV: İran və İsrail arasında yeni müharibə ehtimalı yüksəkdir
ABŞ Dövlət Departamentinin keçmiş farsdilli sözçüsü Ellen Ayer İran və İsrail arasında yeni hərbi qarşıdurmanın baş vermə ehtimalının yüksək olduğunu bildirib.
Crossmedia.az xəbər verir ki, o, bununla bağlı, “Bloomberg” nəşrinə müsahibəsində danışıb.
“Bu, çox güman ki, baş verəcək. ABŞ artıq İrana qarşı hücumu uğurlu əməliyyat
kimi qiymətləndirir. Tramp dəfələrlə İranın nüvə proqramını məhv etdiyini
açıqlayıb”, - deyə, Ayer vurğulayıb.
Onun sözlərinə görə, Vaşinqton İranla bağlı hərbi əməliyyatları bitmiş
hesab etsə də, Təl-Əvivlə Tehranın nüvə proqramını və ümumilikdə İranı hələ də təhdid
kimi görür.
“Israel Hayom” qəzetinin yazdığına əsasən, BMT-nin İslam Respublikasına
qarşı sanksiyalarının yenidən qüvvəyə minməsindən sonra İsrail ordusu Tehran tərəfindən
mümkün qəfil hücum ehtimalını istisna etmir və buna görə də tam hazırlıq vəziyyətinə
gətirilib.
20:37 30.09.2025
Oxunuş sayı: 5808
