“Urmu gölü quruyub” – Mütəxəssislər həyəcan təbili çalırlar
Bir vaxtlar dünyanın altıncı ən böyük duzlu gölü olan və 150 kilometr
uzunluğa, 55 kilometr enə malik Urmu gölü demək olar ki, tamamilə quruyub.
Urmiya Universitetinin professoru Nasir Ağ bildirib ki, göldə bir zamanlar 35
milyard kubmetr su saxlanılırdısa, hazırda bu rəqəm cəmi 200-300 milyon kubmetrə
düşüb.
Crossmedia.az xarici mənbəyə istinadən xəbər verir ki, mütəxəssis vəziyyətin kritik olduğunu desə də, gölün mərhələli şəkildə bərpa
olunmasının hələ də mümkün olduğunu qeyd edib. Onun fikrincə, əgər hər il gölə
azı 1 milyard kubmetr su daxil olarsa, ildə təxminən 500 kvadrat kilometr sahəni
bərpa etmək olar.
Bu çərçivədə Şərqi Azərbaycan Regional Su İdarəsinin rəisi Yusif
Qafarzadə Araz çayından Təbrizə su ötürülməsi və şəhərlərdə istifadə edilən
suyun təmizlənərək Urmu gölünə qaytarılması planını irəli sürüb.
Plana görə, bu yolla təmizlənmiş suların 75%-i gölün canlanmasına yönəldilə
bilər. (Euronews)
20:27 30.09.2025
Oxunuş sayı: 4927
