Əraqçı: Snapback mexanizmi diplomatik həlli çətinləşdirir
İranın xarici işlər naziri Abbas Əraqçı CNN-ə müsahibəsində bildirib ki,
ABŞ və Avropa üçlüyünün BMT TŞ-nin 2231 saylı qətnaməsinə əsasən tətbiq etdiyi
“snapback” mexanizmi regiondakı böhranın diplomatik yolla həllini çətinləşdirir.
Crossmedia.az xəbər verir ki, Əraqçının dediyinə əsasən, İranın nüvə silahına sahib olmaq niyyəti heç
vaxt olmayıb və bu, 2015-ci ildə imzalanan Hərtərəfli Birgə Fəaliyyət Planı
(JCPOA) ilə sübut edilib. O bildirib ki, Tehran sazişə sadiq qalıb və AEBA-nın
hesabatları da bunu təsdiqləyib.
Nazir əlavə edib ki, bu ilin may və iyun aylarında ABŞ-nin dəvəti ilə
nüvə danışıqları bərpa olunub və altıncı raund İsrailin İranı bombalamasından
iki gün əvvələ – iyunun 15-nə planlaşdırılıb.
Ötən həftə Nyu-Yorka böhranın diplomatik həlli üçün ədalətli təkliflərlə
gəldiyini açıqlayan Əraqçı, bu təşəbbüslərün Amerika və Avropa ölkələri tərəfindən
rədd edildiyini və nəticədə sanksiyaların bərpası qərarının verildiyini deyib.
20:00 30.09.2025
Oxunuş sayı: 4781
