MI5-in sabiq rəhbəri: “Britaniya artıq Rusiya ilə müharibə vəziyyətindədir”
“Moskva tərəfindən təşkil olunan kibərhücumların, diversiyaların və digər düşmənçilik xarakterli fəaliyyətlərin miqyası və intensivliyi səbəbindən Böyük Britaniya artıq Rusiya ilə müharibə vəziyyətindədir”.
Crossmedia.az xəbər verir ki bunu Böyük Britaniyanın əks-kəşfiyyat xidməti MI5-in sabiq rəhbəri Eliza Menninhem-Buller deyib.
İyirmi il əvvəl MI5-i idarə etmiş Eliza Menninhem-Buller Rusiya məsələləri üzrə mütəxəssis Fiona Hillin o şərhinə razılıq bildirib ki, Moskva Qərblə müharibə aparır.
“Düşünürəm ki, onun dediyi doğru ola
bilər, biz artıq Rusiya ilə müharibə vəziyyətindəyik. Bu, başqa cür müharibədir,
amma düşmənçilik, kibərhücumlar, fiziki hücumlar və kəşfiyyat fəaliyyəti böyük
miqyas alıb”, - deyə o vurğulayıb.
19:16 30.09.2025
Oxunuş sayı: 4377
