ABŞ 60-dan çox ölkəyə qarşı yüksək gömrük rüsumları tətbiq edir
ABŞ Prezidenti Donald Tramp ticarətdə qarşılıqlı adlandırılan gömrük rüsumlarının 7 avqust gecəyarısından etibarən qüvvəyə minəcəyini təsdiqləyib.
“Qarşılıqlı gömrük rüsumları gecəyarısı qüvvəyə minir”, — deyə ABŞ prezidenti Truth Social platformasında yazıb.
Crossmedia.az xarici mətbuata istinadən xəbər verir ki, Ağ Evin rəhbərinin qiymətləndirməsinə görə, idxal rüsumları ABŞ iqtisadiyyatına “illərlə ABŞ-la ticarət münasibətlərindən sui-istifadə edən” ölkələrdən əsasən milyardlarla dollar cəlb etməyə imkan verəcək.
Tramp 1 avqustda 60-dan çox ölkə və Avropa İttifaqına qarşı 15%-dən 41%-ə qədər gömrük tariflərinin tətbiqini nəzərdə tutan fərmanı imzalayıb. Ən yüksək tariflər aşağıdakı ölkələrə tətbiq olunub: Suriya (41%), Laos (40%), Myanma (40%), İsveçrə (39%), İraq (35%) və Serbiya (35%).
Pərvin Hacıyeva
09:30 07.08.2025
Oxunuş sayı: 709
