Tramp: “Putinlə görüş çox məhsuldar keçdi, müharibənin bitməsi üçün irəliləyiş əldə olunub”
ABŞ-nin prezidenti Donald Tramp Rusiya Prezidenti Vladimir Putinlə keçirilən görüş barədə açıqlama verib. O bildirib ki, nümayəndəsi Uitkoff (Whitcoff) Rusiya lideri ilə “çox məhsuldar” görüş keçirib və bu görüş zamanı əhəmiyyətli irəliləyişə nail olunub.
Crossmedia.az xarici mediaya istinadən bildirir ki, Tramp bu görüşdən sonra bəzi Avropa müttəfiqlərini məlumatlandırdığını qeyd edib. Onun sözlərinə görə, bütün tərəflər razıdır ki, bu müharibə sona çatmalıdır və yaxın günlər və həftələr ərzində bu istiqamətdə işlər davam etdiriləcək. Tramp eyni zamanda bu məsələyə göstərilən diqqətə görə təşəkkür edib.
Qeyd edək ki, bu açıqlama beynəlxalq ictimaiyyətin diqqətində olan Rusiya-Ukrayna müharibəsi fonunda verilib və mümkün diplomatik irəliləyişlərin başlanğıcı kimi qiymətləndirilir.
23:56 06.08.2025
Oxunuş sayı: 739
