Yasamal rayonunda Azərbaycan Milli Mətbuatının yaranmasının 150 illiyinə həsr edilmiş tədbir keçirilib

AMEA Mərkəzi Elmi Kitabxanasında “Konstitusiya və Suverenlik İli” çəçivəsində Azərbaycan Milli Mətbuatının yaranmasının 150 illiyinə həsr edilmiş tədbir keçirilib.

Tədbirdə YAP Yasamal rayon təşkilatının sədri Bəxtiyar Nəbiyev, Azərbaycan Respublikası Milli Məclisinin deputatı, məşhur “91-lər”dən biri, İki Sahil qəzetinin baş redaktoru, əməkdar jurnalist Vüqar Rəhimzadə, “Mətbuat pr.529-cu məhəllə” (Respublika qəzeti) ərazi partiya təşkilatının sədri, Respublika qəzetinin baş redaktoru Hümbət Musayev, AMEA Mərkəzi Elmi Kitabxanasının direktoru Hüseyn Hüseynov, Yeni Azərbaycan Partiyası Mərkəzi Aparatının İctimaiyyətlə əlaqələr şöbəsinin aparıcı məsləhətçisi Nurlana Mehdiyeva,  Azərbaycan Respublikası Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsinin müdir müavini Emil Cavadov, YAP Yasamal rayon və AMEA Mərkəzi Elmi Kitabxanasının əməkdaşları, media nümayəndələri və Partiya üzvləri iştirak edib.

İlk öncə tədbir iştirakçıları tərəfindən Mərkəzi Elmi Kitabxananın inzibati binasında  Ulu Öndər Heydər Əliyevin büstü önünə tər gül dəstələri düzüb, əziz xatirəsi dərin ehtiramla yad edilib.

Tədbirdən əvvəl Mərkəzi Elmi Kitabxanada kitab sərgisinə baxış keçirilib.

Tədbirdə əvvəlcə Azərbaycan Respublikasının Dövlət Himni səsləndirilib, sonra müasir, müstəqil Azərbaycan dövlətinin banisi Ümummilli Lider Heydər Əliyevin, Azərbaycan Respublikasının suverenliyi və ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

İştirakçıları salamlayaraq tədbiri açıq elan edən YAP Yasamal rayon təşkilatının sədri Bəxtiyar Nəbiyev bildirib ki, Azərbaycan Milli Mətbuatı xalqımızın maariflənmə və milli oyanış tarixinin ayrılmaz hissəsidir. 1875-ci il iyulun 22-də maarifçi ziyalı Həsən bəy Zərdabi tərəfindən nəşrə başlayan “Əkinçi” qəzeti Azərbaycan milli mətbuatının əsasını qoydu. Bu qəzet 1877-ci ilin sentyabrına qədər fəaliyyət göstərmiş, cəmi 56 nömrəsi işıq üzü görmüşdür. “Əkinçi” qəzeti xalq arasında savadlılıq səviyyəsini artırmağa, maarifçilik ideyalarını yaymağa, kənd təsərrüfatı və ictimai həyatla bağlı problemləri işıqlandırmağa çalışmışdır. Ana dilində nəşr olunan qəzet mətbuat tariximizin qızıl səhifələrindən biridir. Bildirilib ki, müstəqillik illərində Ulu öndər Heydər Əliyev milli mətbuatın inkişafını dövlət siyasətinin mühüm istiqamətlərindən biri kimi müəyyənləşdirdi. Onun rəhbərliyi ilə: 1998-ci ilin avqustunda senzura tamamilə ləğv olundu – bu, söz azadlığı tarixində dönüş nöqtəsi oldu. 1999-cu ildə “Kütləvi informasiya vasitələri haqqında” Qanun qəbul edildi və jurnalistlərin hüquqları qanunla təmin olundu. 2000-ci ildə “Azərbaycan mətbuatının 125 illik yubileyinin keçirilməsi haqqında” sərəncam imzalanaraq mətbuat işçilərinə yüksək qiymət verildi. Bu ənənə bu gün Prezident İlham Əliyev tərəfindən uğurla davam etdirilir. Prezident İlham Əliyev: 2005-ci il iyulun 22-də “Azərbaycan Milli Mətbuatının 130 illik yubileyinin keçirilməsi haqqında”, 2010-cu il iyulun 20-də “Azərbaycan mətbuatının 135 illik yubileyinin keçirilməsi haqqında”, 2015-ci il iyulun 14-də “Azərbaycan Milli Mətbuatının 140 illik yubileyinin keçirilməsi haqqında” sərəncamlar imzalamışdır. Bundan əlavə: 2008-ci ildə “Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası” təsdiqləndi. 2021-ci ildə “Media haqqında” yeni Qanun qəbul olundu, medianın hüquqi və institusional bazası yeniləndi. 2021-ci ilin yanvarında Medianın İnkişafı Agentliyi yaradıldı. 44 günlük Vətən müharibəsi zamanı isə Azərbaycan mətbuatı informasiya müharibəsinin ön cəbhəsində yer aldı. Daxili auditoriyaya ruh yüksəkliyi aşılayan media eyni zamanda xarici dünyaya Azərbaycanın haqlı mövqeyini çatdırdı. Peşəkar jurnalistlər cəbhə bölgələrindən reportajlar hazırladı, Azərbaycan Ordusunun qəhrəmanlığını və dövlətin strateji mövqeyini təbliğ etdi. Milli Mətbuat Günü milli kimliyimizin, ictimai düşüncənin formalaşmasında önəmli rol oynayan jurnalistlərin bayramıdır. Bu gün mətbuat ictimai nəzarətin əsas vasitəsi, dövlət və cəmiyyət arasında körpü, milli dəyərlərin daşıyıcısı və müdafiəçisidir. Son olaraq qeyd olunub ki, Prezident İlham Əliyevin 25 aprel 2025-ci il də Azərbaycan Milli Mətbuatının 150 illik yubileyinin keçirilməsi haqqında imzaladığı sərəncam milli mətbuatımıza dövlət səviyyəsində verilən dəyərin daha bir parlaq nümunəsidir. Çıxışının sonunda Bəxtiyar Nəbiyev Milli Mətbuat Günü münasibətilə media nümayəndələrini təbrik edib, onlara vacib və məsuliyyətli işlərində yeni-yeni uğurlar arzu edib.

Çıxış edən “Mətbuat pr.529-cu məhəllə” (Respublika qəzeti) ərazi partiya təşkilatının sədri, Respublika qəzetinin baş redaktoru Hümbət Musayev qeyd edib ki, təməli 22 iyul 1875 - ci il  ildə  Həsən bəy Zərdabi tərəfindən qoyulan, xalqın milli şüurunun oyanmasında, əhalinin maariflənməsində əvəzsiz rolu olan Azərbaycan mətbuatının “Əkinçi” adlı qəzetlə fəaliyyətə başlamasından  150 il ötür. Qeyd edək ki, mətbuat hər bir millətin inkişaf etmiş təfəkkürünün formalaşmasında,elmin, təhsilin, mədəniyyətin təbliğində, cəmiyyətin maariflənməsində mühüm rol oynayan vacib amillərdən biridir. Qeyd olunub ki, 1991-ci ildə Sovet İttifaqının dağılması ilə Azərbaycan müstəqilliyini bərpa etdi ki, bu da ölkənin mətbuatı üçün yeni bir dövrün başlanğıcı oldu. Media azadlığının genişlənməsi müstəqil qəzetlərin, jurnalların və televiziya kanallarının yaranmasına imkan verdi. Bu yeni mətbuat azadlığı fərqli fikirlərin çoxalmasına və informasiyaya daha geniş çıxışa şərait yaratdı. 1993 – cü ildən başlayaraq Ümumilli liderimiz Heydər Əliyev tərəfindən mətbuat sahəsində bir çox əsaslı islahatlar aparılmış, ölkədə senzura, söz və məlumat azadlığını məhdudlaşdıran süni maneələr aradan qaldırılmış, medianın fəaliyyətini tənzimləyən mütərəqqi qanunvericilik bazası yaradılmış, onun problemlərinin həlli, iqtisadi müstəqilliyinin gücləndirilməsi, vətəndaş cəmiyyəti quruculuğunda rolunun yüksəldilməsi məqsədilə ardıcıl tədbirlər görülmüşdür. Ümumilli liderimiz Heydər Əliyevin siyasi irsinin davamçısı olan Azərbaycan Respublikasının Prezidenti cənab İlham Əliyev hakimiyyətə gəldiyi ilk gündən etibarən milli mətbuatı diqqət mərkəzində saxlamış, bu sahədə uğurlu və davamlı islahatlar həyata keçirmişdir. Tarixə qısa bir nəzər saldıqda, milli mətbuatımızın 125, 130, 135, 140 və 145 illik yubileylərinin Ümumilli Lider Heydər Əliyev və Prezident İlham Əliyevin müvafiq sərrəncamları ilə dövlət səviyyəsində geniş şəkildə qeyd olunduğunu görürük. Elə bu təşəbbüslərlə də milli jurnalistikamızın tarixinə verilən mühüm dəyəri bir daha xatırlayırıq. Qarabağ Zəfəri ilə bağlı həqiqətlərin dünya ictimaiyyətinə çatdırılmasında mətbuatın rolu böyükdür. Azərbaycan mediası, 44 günlük Vətən müharibəsi dövründə geniş və əhatəli məlumatlandırma işləri apararaq, informasiya müharibəsində öncül mövqedə olmuşdur. 44 günlük müharibə dövründə jurnalistlərimiz, peşəkarlıq və qətiyyət göstərərək, cəbhə bölgəsindən məlumatların operativ şəkildə çatdırılmasında mühüm rol oynamış, müharibə zamanı böyük təhlükələrlə üzləşsələr də, fədakarcasına işlərini davam etdirmişdilər. Qarabağ uğrunda döyüşlərdə fərqlənən və müxtəlif medallarla təltif edilənlər arasında jurnalistlərin də olması ölkəmizdə bu sahədə çalışanlara göstərilən böyük etimadın və diqqətin sübutudur. Azərbaycan mətbuatı 1875-ci ildə ilk qəzetinin nəşrindən bəri uzun bir yol keçmiş, illər ərzində çoxsaylı çətinliklərlə üzləşsə də, azadlıq və müxtəliflik baxımından əhəmiyyətli irəliləyişlər əldə etmişdir. Milli Mətbuat Günü bu uğurları xatırlamaq, ifadə azadlığı və informasiya əldə etmək hüququnun hər kəs üçün təmin edildiyi bir gələcəyə doğru çalışmağa təşfiq etmək üçün mühüm bir tarixdir. Bu gün Prezident İlham Əliyevin sonsuz diqqət və qayğısı ilə Milli Mətbuatımız günü – gündən inkişaf edərək uğur qazanmağa davam edəcəkdir. Çıxışının sonunda Hümbət Musayev Milli Mətbuat Günü münasibətilə media nümayəndələrini təbrik edib.

Azərbaycan qəzetinin şöbə redaktoru İradə Əliyevə çıxışında bildirib ki, Mətbuatımız “Əkinçi” ənənələrinə söykənərək uğurla inkişaf edir. 1875-ci il iyulun 22-də görkəmli ziyalı və maarifçi-publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzeti milli mətbuatımızın ilk nümunəsi və həmin dövr Azərbaycanın ictimai-siyasi həyatının mühüm hadisəsi kimi tarixə düşmüşdür. 1875-ci ildən sonra çoxsaylı nəşrlərlə zənginləşən milli mətbuatımız Azərbaycan ədəbi dilinin və maarifçilik hərəkatının inkişafına əhəmiyyətli töhfələr vermiş, milli özünüdərk və istiqlal məfkurəsinin formalaşmasında, qabaqcıl ideyaların təbliğində böyük xidmətlər göstərmişdir. Azərbaycanda müasir kütləvi informasiya vasitələrinin formalaşması və inkişafı üçün geniş imkanlar yaranmışdır. 1993-cü ildən başlayaraq Ümummilli Lider Heydər Əliyevin rəhbərliyi ilə həyata keçirilən və cəmiyyət həyatının bütün sahələrini əhatə edən köklü islahatlar nəticəsində ölkədə senzura, söz və məlumat azadlığını məhdudlaşdıran digər süni maneələr aradan qaldırılmış, medianın fəaliyyətini tənzimləyən mütərəqqi qanunvericilik bazası yaradılmış, onun problemlərinin həlli, iqtisadi müstəqilliyinin gücləndirilməsi, vətəndaş cəmiyyəti quruculuğunda rolunun yüksəldilməsi məqsədilə ardıcıl tədbirlər görülmüşdür. Bu tədbirlər bu gün Prezident İlham Əliyevin rəhbərliyi ilə uğurla davam etdirilir. Yeni dövr milli mətbuatımızın inkişafı ilə bağlı qanunvericilik bazasının təkmilləşdirilməsini zərurətə çevirir. Hazırda media məkanında sürətli qloballaşma prosesi gedir. Bu baxımdan mövcud qanunvericiliyin təkmilləşdirilməsi zamanın tələbi idi. Bununla əlaqədar, Prezident İlham Əliyevin tapşırığı ilə media haqqında qanunvericiliyin təkmilləşdirilməsi istiqamətində məqsədyönlü iş aparılır. Dövlətimizin başçısı İlham Əliyevin 2021-ci il 12 yanvar tarixli “Azərbaycan Respublikasında media sahəsində islahatların dərinləşdirilməsi haqqında” Fərmanı ilə Kütləvi İnformasiya Vasitələrinin İnkişafına Dövlət Dəstəyi Fondunun əsasında “Azərbaycan Respublikasının Medianın İnkişafı Agentliyi” publik hüquqi şəxs yaradıldı. MEDİA Agentliyi ölkəmizdə çap və onlayn medianın inkişafı, media orqanlarının maliyyə müstəqilliyinin gücləndirilməsi, fəaliyyətinin təkmilləşdirilməsi, mütərəqqi layihələrin davamlı dəstəklənməsi məqsədilə müxtəlif tədbirlər həyata keçirir. Mediamız dövrün tələbinə uyğun olaraq daha da təkmilləşir, yeniləşir. 44 günlük Vətən müharibəsi dövründə və ondan sonrakı mərhələdə Azərbaycan mətbuatı sözün əsl mənasında müsəlləh əsgər kimi dövlətin, ordunun və Ali Baş Komandanın yanında dayandı. Hərbi-siyasi sahədə əldə edilən uğurlar ideoloji sahədə də medianın fəaliyyəti ilə ən yüksək səviyyəyə çatdırıldı.Sonda İradə Əliyeva əlamətdar gün münasibəti ilə media nümayəndələrini təbrik edib.

Sonda çıxış edən Azərbaycan Respublikası Milli Məclisinin deputatı, məşhur “91-lər”dən biri, İki sahil qəzetinin baş redaktoru, əməkdar jurnalist Vüqar Rəhimzadə bildirib ki, XIX əsrin sonlarına yaxın bütün Qafqazda böyük əks-səda doğuran “Əkinçi” qəzetinin naşiri, redaktoru  Azərbaycan milli maarifçilik hərəkatının banilərindən biri təbiətşünas-alim Həsən bəy Zərdabi idi. Qəzetin ərsəyə gəlməsində Mirzə Fətəli Axundzadə, Seyid Əzim Şirvani, Nəcəf bəy Vəzirov, Əsgər ağa Gorani və başqa ziyalıların böyük xidmətləri olub.  “Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, o, Azərbaycan milli mətbuatının təşəkkül tapmasında, inkişafında əvəzsiz rol oynadı. Müasir müstəqil Azərbaycanda milli mətbuatımızın inkişafı Ulu Öndər Heydər Əliyevin adı ilə bağlıdır. Ümummilli Liderin  1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tarixində də yeni mərhələyə yol açdı. 1998-ci il, 6 avqust tarixində imzalanan “Azərbaycan Respublikasında söz, fikir və məlumat azadlığının təmin edilməsi sahəsində əlavə tədbirlər haqqında” Fərman ölkə mətbuatının inkişaf tarixində mühüm hadisə kimi qiymətləndirilir. Bu Fərman kütləvi informasiya vasitələrinin sərbəst inkişafı, medianın cəmiyyətin dinamik şəkildə demokratikləşməsinə təsir edən qüdrətli vasitəyə çevrilməsi yolunda dövlət siyasətinin həyata keçirilməsində mühüm addım oldu. 1999-cu ilin sonunda qəbul olunan “Kütləvi informasiya vasitələri haqqında” Qanun mətbuatda demokratik prinsiplərin daha da möhkəmləndirilməsinə xidmət etdi. Bu sənəd Azərbaycanda mətbuatın inkişafına mane olan bir sıra bürokratik əngəllərin aradan qaldırılmasına yol açdı. Dövlət qeydiyyatı ləğv olundu və yeni mətbuat orqanlarının təsis olunması proseduru asanlaşdırıldı. Ümummilli Lider Heydər Əliyevin mətbuatın inkişafı ilə bağlı həyata keçirdiyi tədbirlər davamlılığı ilə diqqətdə oldu. Ulu Öndər Heydər Əliyevin  mətbuata və media  nümayəndələrinə göstərdiyi diqqət və qayğı 2003-cü ildən başlayaraq Ümummilli Liderin siyasi kursunu bütün sahələrdə uğurla davam etdirən Prezident İlham Əliyevin həyata keçirdiyi siyasətin əsasında dayandı. Bu gün əgər böyük inamla və əminliklə “Ölkəmizdə söz və mətbuat azadlığı  tam təmin olunub” söyləyiriksə, bu, dahi şəxsiyyət Heydər Əliyevin bugünümüzə və gələcəyimizə xidmət edən inkişaf strategiyasının uğurlu nəticəsidir. Azərbaycan 44 günlük İkinci Qarabağ  müharibəsində şanlı Zəfərə imza ataraq, 2023-cü ilin sentyabrında bir günlük lokal  antiterror tədbrləri nəticəsində suverenliyini tam bərpa edərək yeni dövrə qədəm qoydu. Müharibənin gedişi  dövründə mediamız   əsl vətənpərvərlik, birlik,  həmrəylik nümunəsi ortaya qoydu, haqq səsimizin dünya ictimaiyyətinə çatdırılması, düşmənin və onun havadarlarının saxta məlumatlarının ifşası üçün xüsusi səy göstərdi, Milli Ordumuzun, əsgər və zabitlərimizin rəşadəti, qəhrəmanlığı ilə bağlı zəngin salnamə yaratdı. Vətən müharibəsində və müharibədən sonrakı dövrdə Azərbaycan həqiqətlərinin dünya ictimaiyyətinə çatdırılmasında mətbuatın rolu və jurnalistlərin fəaliyyəti böyük oldu. Çıxışın sonunda Vüqar Rəhimzadə 22 İyul-Milli Mətbuat Günü münasibətilə media nümayəndələrini təbrik edib.

Çıxışlardan sonra 22 İyul-Milli Mətbuat Günü münasibətilə və Partiyanın ictimai-siyasi həyatında uğurlu fəaliyyətə görə bir qrup üzvə fəxri fərmanlar təqdim edilib.

Sonra Yeni Azərbaycan Partiyasının Himni səsləndirilib, xatirə şəkli çəkdirilib.