Cənubi Koreya bu ay Polşa ilə 6 milyard dollarlıq K2 tank müqaviləsi imzalayacaq
Cənubi Koreya bu ayın sonunadək Polşa ilə 6 milyard dollar dəyərində 180 ədəd K2 əsas döyüş tankının satışına dair silah müqaviləsini yekunlaşdırmağa hazırlaşır.
Crossmedia.az xarici mediaya istinadən xəbər verir ki, bu razılaşma 2024-cü ildə imzalanmış 180 ədəd K2 Black Panther tankının alışına dair müqavilənin davamıdır və Polşanın ümumilikdə 1,000 ədəd tank almaq planına daxildir.
Yeni müqaviləyə əsasən, 117 tank Hyundai Rotem tərəfindən Cənubi Koreyada istehsal olunacaq, 63 ədəd isə Polşanın PGZ şirkəti ilə birgə Polşada yığılacaq. Tanklar iki versiyada təhvil veriləcək: NATO standartlarına dərhal uyğunlaşdırılmış K2GF və zireh, mühərrik sistemi və aktiv müdafiə texnologiyaları təkmilləşdirilmiş K2PL versiyaları.
15:15 12.06.2025
Oxunuş sayı: 687
