ABŞ USAID-in xarici nümayəndəliklərini ləğv etməyə hazırlaşır
ABŞ 2024-cü il sentyabrın 30-dək Beynəlxalq İnkişaf Agentliyinin (USAID) xarici ölkələrdəki bütün nümayəndəliklərini ləğv etməyi planlaşdırır.
Crossmedia.az xəbər verir ki, bu barədə məlumatı "The Guardian" nəşri yayıb.
Məlumata əsasən, ABŞ dövlət katibi Marko Rubio tərəfindən imzalanan sənəddə USAID-in xarici ştatlarının tam şəkildə ləğvi və qurumun həyata keçirdiyi yardım proqramlarının birbaşa Dövlət Departamentinin nəzarətinə verilməsi tapşırılıb.
Gözlənilir ki, islahat 100-dən artıq ölkədə fəaliyyət göstərən yüzlərlə USAID əməkdaşını – diplomatik xidmət işçiləri, podratçılar və yerli personalı əhatə edəcək.
Qeyd edək ki, USAID uzun illər ərzində ABŞ-nin xarici yardım və inkişaf proqramlarının icrası ilə məşğul olub.
Hazırda bu qərarın təşkilatın fəaliyyət prioritetlərinə və beynəlxalq tərəfdaşlıqlara necə təsir edəcəyi məlum deyil.
19:25 11.06.2025
Oxunuş sayı: 1029
