Xarici xəbərlər
Tramp Qəzza və İranla bağlı strateji müzakirə aparıb
ABŞ prezidenti Donald Tramp, Qəzza müharibəsi və İranın nüvə proqramı ilə bağlı strategiyanın müzakirəsi məqsədilə yüksək səviyyəli xarici siyasət komandası ilə görüş keçirib.
Crossmedia.az xəbər verir ki, bu barədə “Axios” nəşri məlumat yayıb.
Görüş iki gün əvvəl baş tutub, bir neçə saat davam edən müzakirələr zamanı Tramp administrasiyası bölgədə geosiyasi vəziyyətə dair vahid və koordinasiyalı yanaşma formalaşdırmağa çalışıb.
Məlumatda bildirilir ki, Tramp həm İranla müharibənin qarşısını almaq üçün nüvə sazişi əldə etmək, həm də Qəzza zolağında atəşkəs və girovların azad olunması istiqamətində razılaşma imzalamaq üçün danışıqlar aparır. Lakin son günlər bu səylər müəyyən çətinliklərlə üzləşib.
“Axios”un yazdığına görə, Tramp İran və Qəzza məsələlərini regional təhlükəsizliyin ayrılmaz tərkib hissəsi kimi qiymətləndirir və bu məsələlərin bir-birinə bağlı, koordinasiyalı şəkildə idarə olunmasını prioritet kimi qəbul edir. Onun müəyyən etdiyi ilkin müddət bu həftənin cümə axşamı sona çatacaq, lakin danışıqlarda iştirak edən tərəflər prosesi davam etdirməyə hazır olduqlarını bildiriblər.
18:37 10.06.2025
Oxunuş sayı: 1224
