Xarici xəbərlər
HƏMAS sözçüsü İsraili təhdid etdi: "Qəzzaya hücumu dayandırmasaz, ordunuzu məhv edəcəyik!"
"İsrail ordusu Qəzzaya endirdiyi zərbələri dayandırılmasa, hərbi itkilərinin sayı artacaq".
Crossmedia.az xəbər verir ki, bunu HƏMAS-ın silahlı qanadı olan İzzəddin Əl-Qəssam Briqadasının sözçüsü Əbu Obaida deyib.
“İsraillilərin iki yolu var: ya rəsmilərini müharibəni dayandırmağa çağırmalıdırlar, ya da qoşunlarının daha çox tabutunu geri qaytarmağa hazırlaşmalıdırlar”- Obaida əlavə edib.
Bu bəyanat cümə günü Qəzza zolağının cənubundakı Xan Yunis şəhərində baş verən partlayışdan sonra səsləndirilib. Hadisə nəticəsində dörd israilli əsgər həlak olub, beşi isə yaralanıb.
İsrail ordusu Xan Yunisin şərqində yerləşən binada partlayıcı qurğunun işə düşməsi nəticəsində hərbi qulluqçuların həlak olduğunu təsdiqləyib.
Əl-Qəssam Briqadalarının sözçüsü bildirib ki, Xan Yunisdəki hücum müqavimət döyüşçülərinin həyata keçirdiyi xüsusi əməliyyatın sadəcə bir hissəsidir.
Fələstin İnformasiya Mərkəzinin məlumatına görə, bu hadisə ilə birlikdə 7 oktyabr 2023-cü ildən bəri İsrailin müharibədəki hərbi itkilərinin ümumi sayı 866-ya çatıb.
HƏMAS rəsmisi beynəlxalq ictimaiyyəti Qəzzadakı hadisələrə səssiz qalmaqda ittiham edərək, işğalın sona çatdırılması, fələstinlilərin azadlıq və ləyaqətlə yaşamaq hüququnun tanınması üçün təcili tədbirlərin görülməsinin zəruriliyini vurğulayıb.
Aybəniz Səfərova
14:55 08.06.2025
Oxunuş sayı: 941
