Nyu-Dehlidə Hindistan–Mərkəzi Asiya Şurasının 4-cü toplantısı keçirilib
Hindistanın paytaxtı Nyu-Dehlidə Hindistan–Mərkəzi Asiya Şurasının 4-cü iclası baş tutub. Toplantı çərçivəsində Mərkəzi Asiya ölkələrinin xarici işlər nazirləri Hindistanın Baş naziri Narendra Modi ilə görüşüblər.
Crossmedia.az xəbər verir ki, tərəflər, xüsusilə Çin inhisarçılığının güclü olduğu strateji resurslar sahəsində əməkdaşlığı genişləndirmək məqsədilə, nadir torpaq elementləri və kritik mineralların birgə kəşfiyyatı barədə razılıq əldə ediblər. Bu addım regionda resurs asılılığını azaltmaq və alternativ tədarük marşrutları formalaşdırmaq baxımından əhəmiyyətli hesab olunur.
Toplantıda iqtisadi əlaqələrin inkişafı, nəqliyyat bağlantıları, enerji təhlükəsizliyi və regional sabitlik kimi digər məsələlər də müzakirə olunub.
23:29 07.06.2025
Oxunuş sayı: 723
