Ağ Ev Rusiyaya sanksiyaların yumşaldılmasını istəyir
ABŞ prezidenti Donald Trampın administrasiyası Senata Rusiyaya qarşı yeni sanksiyaların yumşaldılması üçün gizli şəkildə təzyiq göstərir.
Crossmedia.az xəbər verir ki, The Wall Street Journal nəşrinin məlumatına görə,Ağ Ev senator Lindsi Qrehemin təqdim etdiyi sərt sanksiya qanun layihəsinin mətninə dəyişiklik edilməsinə çalışır. Tramp administrasiyası bu qanunun qəbulunun Moskva ilə münasibətlərin normallaşdırılmasına mane ola biləcəyindən narahatdır.
Mənbəyə görə, təklif olunan dəyişikliklərdən biri qanun layihəsindəki “shall” (“məcburdur”) sözünün “may” (“bilər”) ilə əvəz olunmasıdır. Bu dəyişiklik sanksiyaları məcburi deyil, könüllü xarakterli edəcək.
Qeyd olunur ki, qanun layihəsini artıq 80-dən çox senator dəstəkləyib. Buna baxmayaraq, Tramp bu sənədin qəbulunun Rusiya ilə dialoqa mane olacağından ehtiyat edir.
Nigar Rəhimova
16:37 07.06.2025
Oxunuş sayı: 685
