Tramp: "Putin Ukraynanın son hücumuna cavab verməli olduğunu bildirdi"
ABŞ Prezidenti Donald Tramp və Rusiya Prezidenti Vladimir Putin arasında telefon danışığı baş tutub.
Crossmedia.az xəbər verir ki, danışıqlardan sonra ABŞ lideri “Truth Social” platformasında açıqlama yayıb.
“Ukraynanın Rusiyaya hücumu ilə bağlı danışdıq. Söhbət konstruktiv keçdi, lakin bunun dərhal sülhə gətirib çıxaracağına ümid yoxdur”, – Tramp bildirib.
Onun sözlərinə görə, Rusiya Prezidenti Vladimir Putin telefon danışığında qeyd edib ki, Ukraynanın son hücumlarına “layiqli cavab” veriləcək.
Telefon danışığında İranla bağlı proseslər də müzakirə olunub:
“Putinə dedim ki, İran nüvə silahına sahib ola bilməz, düşünürəm ki, bu məsələdə eyni fikirdəyik. Putin İranla danışıqlarda iştirak etməyə və prosesin tezliklə nəticələnməsinə kömək göstərməyə hazır olduğunu söylədi”, - ABŞ lideri əlavə edib.
Aybəniz Səfərova
21:17 04.06.2025
Oxunuş sayı: 1521
