Bayraktar TB3 dənizdən tam avtomatik qalxma və enmə qabiliyyətini sübut etdi
Türkiyənin “Baykar” şirkətinin istehsalı olan Bayraktar TB3 pilotsuz uçuş aparatı (PUA) TCG Anadolu gəmisindən tamamilə avtomatik şəkildə qalxış və eniş edərək dünya aviasiya tarixində bir ilkə imza atıb.
Baykar sosial şəbəkə platforması X-də yayımladığı açıqlamada bildirib ki, TB3 bu günə qədər TCG Anadolu gəmisində ümumilikdə 100 uğurlu uçuş həyata keçirib. 28 may – 2 iyun tarixlərində keçirilən son sınaqlar zamanı süni intellekt dəstəyi ilə tam avtomatik uçuş və eniş texnologiyaları da test edilib.
Crossmedia.az xarici mediaya istinadən bildirir ki, sınaqlar zamanı görüntü emalına əsaslanan süni intellektlə təchiz olunan sistemlər xətt üzrə vizual izləmə, aviadaşıyıcının və uçuş-enmə zolağının aşkarlanması, yerüstü görünürlüyə əsasən eniş bucağının təyini kimi funksiyaları uğurla yerinə yetirib.
PT-3 və PT-4 bort nömrəli Bayraktar TB3-lər testləri uğurla tamamladıqdan sonra Muğla-Aksaz sahili üzərində uçuş həyata keçirərək Keşandakı Bayraktar Uçuş-Təlim və Sınaq Mərkəzinə qayıdıblar.
Zəhra Ağayeva
18:59 03.06.2025
Oxunuş sayı: 1172
