Britaniya Rusiyanı milli təhlükəyə çevrilən əsas təhdid kimi təqdim edəcək
Böyük Britaniya iyunun 2-də yeni strateji müdafiə icmalını ictimaiyyətə təqdim edəcək.
Crossmedia.az "The Guardian" nəşrinin yazdığına əsasən xəbər verir ki, 130 səhifəlik sənəddə Rusiya ölkənin milli təhlükəsizliyinə “təcili və real təhdid” kimi qiymətləndiriləcək.
Yeni müdafiə strategiyası Ukraynadakı müharibədən çıxarılan dərslər və Britaniyanın gələcək hərbi-siyasi prioritetləri əsasında hazırlanıb. Sənəddə Rusiyadan əlavə, artan kiber təhlükələr, qeyri-konvensional münaqişələr və NATO-nun rolunun gücləndirilməsi kimi məsələlər də əsas diqqət mərkəzində olacaq.
Hökumətin sənədi açıqlayacağı gün həm də Böyük Britaniyanın regional və qlobal təhlükəsizlik siyasətinə dair yeni mövqeyi formalaşacaq.
04:50 01.06.2025
Oxunuş sayı: 1108
